Altpreußisch/ Lektion 4

Aus Wikibooks

Eze stan krikstîsnan. Nûsun rîkîs Kristus bilêi prêi swajans mâldâisins, jeîtê ên wisan swêtan, mâkinaîtê wisans pagânans be krikstîtê dins ên emen tâwas be sûnus be swintas nâseîljas, kas druwêi be krikstîts wîrst, stas wîrst dêiwâts. Kas aber nê druwêi, stas wîrst prôklântêts.

Eze sakramêntan bêtas êdjan. Nûsan rîkîs Jêzus Kristus ên stan naktin, kadan prawilâ din, imêts stan gêitin, dînkaûts be lêmâts be dâits swâimans mâldâisimans be bilêits, imaîtê stwen, êdeîtê, stâ ast mâis kêrmens, kas pêr wans dâts wîrst, stawîdan segêjitê prêi majan minîsnan. Stasmâ palîgu imêts dîgi stan kêlkan pâ stan bêtan êdjan dînkâts be dâits swâimans mâldâisimans be bilêits, imaîtê stwen, be pôjaîtê wisâi iz stesmâ, šis kêlch ast stâ nawan testamêntan, ên majan krâujan, ka pêr wans palêitan wîrst, prêi etwêrpsnan grêtan stawîdan segêjitê kôdeznima jûs pôjaitê prêi majan menîsnan.