Altgriechisch: Lektionen: Der Ursprung der Tiere

Aus Wikibooks
Zur Navigation springen Zur Suche springen
Gnome-applications-office.svg Dieses Buch steht im Regal Sprachen
Gnome-go-previous.svg Zurück zu "Lektionen" Gnome-go-up.svg Hoch zum "Kurs: Altgriechisch" Gnome-go-next.svg Vor zu "Lektionen"
Der Ursprung der Tiere



Lektionstext[Bearbeiten]

[91d] γυναι̂κες μὲν οὐ̂ν καὶ τὸ θη̂λυ πα̂ν οὕτω γέγονεν: τὸ δὲ τω̂ν ὀρνέων φυ̂λον μετερρυθμίζετο, ἀντὶ τριχω̂ν πτερὰ φύον, ἐκ τω̂ν ἀκάκων ἀνδρω̂ν, κούφων δέ, καὶ μετεωρολογικω̂ν μέν, ἡγουμένων δὲ δι' ὄψεως

[91e] τὰς περὶ τούτων ἀποδείξεις βεβαιοτάτας εἰ̂ναι δι' εὐήθειαν. τὸ δ' αὐ̂ πεζὸν καὶ θηριω̂δες γέγονεν ἐκ τω̂ν μηδὲν προσχρωμένων φιλοσοφίᾳ μηδὲ ἀθρούντων τη̂ς περὶ τὸν οὐρανὸν φύσεως πέρι μηδέν, διὰ τὸ μηκέτι ται̂ς ἐν τῃ̂ κεφαλῃ̂ χρη̂σθαι περιόδοις, ἀλλὰ τοι̂ς περὶ τὰ στήθη τη̂ς ψυχη̂ς ἡγεμόσιν ἕπεσθαι μέρεσιν. ἐκ τούτων οὐ̂ν τω̂ν ἐπιτηδευμάτων τά τ' ἐμπρόσθια κω̂λα καὶ τὰς κεφαλὰς εἰς γη̂ν ἑλκόμενα ὑπὸ συγγενείας ἤρεισαν, προμήκεις τε καὶ παντοίας ἔσχον τὰς

[92a] κορυφάς, ὅπῃ συνεθλίφθησαν ὑπὸ ἀργίας ἑκάστων αἱ περιφοραί: τετράπουν τε τὸ γένος αὐτω̂ν ἐκ ταύτης ἐφύετο καὶ πολύπουν τη̂ς προφάσεως, θεου̂ βάσεις ὑποτιθέντος πλείους τοι̂ς μα̂λλον ἄφροσιν, ὡς μα̂λλον ἐπὶ γη̂ν ἕλκοιντο. τοι̂ς δ' ἀφρονεστάτοις αὐτω̂ν τούτων καὶ παντάπασιν πρὸς γη̂ν πα̂ν τὸ σω̂μα κατατεινομένοις ὡς οὐδὲν ἔτι ποδω̂ν χρείας οὔσης, ἄποδα αὐτὰ καὶ ἰλυσπώμενα ἐπὶ γη̂ς ἐγέννησαν. τὸ δὲ

[92b] τέταρτον γένος ἔνυδρον γέγονεν ἐκ τω̂ν μάλιστα ἀνοητοτάτων καὶ ἀμαθεστάτων, οὓς οὐδ' ἀναπνοη̂ς καθαρα̂ς ἔτι ἠξίωσαν οἱ μεταπλάττοντες, ὡς τὴν ψυχὴν ὑπὸ πλημμελείας πάσης ἀκαθάρτως ἐχόντων, ἀλλ' ἀντὶ λεπτη̂ς καὶ καθαρα̂ς ἀναπνοη̂ς ἀέρος εἰς ὕδατος θολερὰν καὶ βαθει̂αν ἔωσαν ἀνάπνευσιν: ὅθεν ἰχθύων ἔθνος καὶ τὸ τω̂ν ὀστρέων συναπάντων τε ὅσα ἔνυδρα γέγονεν, δίκην ἀμαθίας ἐσχάτης ἐσχάτας οἰκήσεις

[92c] εἰληχότων. καὶ κατὰ ταυ̂τα δὴ πάντα τότε καὶ νυ̂ν διαμείβεται τὰ ζῳ̂α εἰς ἄλληλα, νου̂ καὶ ἀνοίας ἀποβολῃ̂ καὶ κτήσει μεταβαλλόμενα. καὶ δὴ καὶ τέλος περὶ του̂ παντὸς νυ̂ν ἤδη τὸν λόγον ἡμι̂ν φω̂μεν ἔχειν: θνητὰ γὰρ καὶ ἀθάνατα ζῳ̂α λαβὼν καὶ συμπληρωθεὶς ὅδε ὁ κόσμος οὕτω, ζῳ̂ον ὁρατὸν τὰ ὁρατὰ περιέχον, εἰκὼν του̂ νοητου̂ θεὸς αἰσθητός, μέγιστος καὶ ἄριστος κάλλιστός τε καὶ τελεώτατος γέγονεν εἱ̂ς οὐρανὸς ὅδε μονογενὴς ὤν.

Fußnoten

Gnome-go-up.svg Zum Seitenanfang
Gnome-go-previous.svg Zurück zu "Lektionen" Gnome-go-up.svg Hoch zum "Kurs: Altgriechisch" Gnome-go-next.svg Vor zu "Lektionen"